RAMAZANI ME MËRGATËN TONË – Prill 2023
Intervistë me Feim DRAGUSHËN – ish-Imamin e xhamisë “El-Hidaje” dhe xhamisë “Xheneti” në St. Gallen – Zvicër.

Në këtë intervistë u pasqyrua nje historik i shkurtër rreth themelimit të Unionit të Imamëve Shqiptarë në Zvicër, si dhe kontributi i disa hoxhallarëve të cilët morën guximin për të themeluar një Union i cili mbledh të gjithë imamët dhe xhamitë shqiptare në një Ambrellë. Pastaj themelimi i xhamisë “Xheneti” në St. Gallen me datë 01 korrik 2012, aktivitetet fetare dhe kombëtare, organizimi i kursit të gjuhës gjermane GRATIS për gjininë femrore, ku ligjëruese ka qenë Lindita Ahmeti-Babatinca. Më pastaj kemi treguar rreth sakrificës së gjeneratës së parë të shqiptarëve, me theks të vecant për kontributin e madh të haxhi Qamil Januzit -tashmë i ndjerë-, i cili ishte themelues i xhamisë së parë shqiptare në qytetin e St. Gallenit në vitin 1992 dhe kontribues i madh më vëllaun e tij Sallah Januzin rreth cështjes kombëtare, ku me haxhi Qamilin kemi realizuar një Intervistë në vitin 2010 dhe se shpejti kjo intervistë me vlerë do të publikohet në format të broshurës. Dhe krejt në fund kemi përmendur njërin nga aktivitetet shumë të rëndësishme që ka organizuar xhamia “Xheneti”, e që ishte promovimi i librave të Dr. Nusret Pllanës për gjenocidin dhe terrorin serb mbi popullin shqiptar, pasi që gjenerata e tretë e cila ka lindur në Diasporë, duhet të informohet drejt rreth asaj që ka ndodhur në Kosovë, sikruse kemi promovuar librat e Rexhep Rifatit dhe libra të tjerë. Allahu ju shpërbleftë të gjithve për kontributin! Allahu na e pranoftë agjërimin! Allahumme Amin!
Feim Dragusha

In this video the ex-Imam of International Mosque in St. Gallen – Switzerland, where he served more than 10 years. He was invited on April 2023 by the staff of RTI Television in Prishtina to discuss about the Holy Month of Ramadan in Diaspora, in particular in Switzerland and Germany.