Ky inçizim është realizuar në vitin 2005, në xhaminë Universitare Sabah dhe Sarawak të Malajzisë Jugore (University Sabah & Sarawak Mosque – UMS).
Në këtë video të cilën e ka realizuar kolegu, Remzi Nura, mund ta dëgjoni thirrjen e ezanit nga Feim Dragusha, i cili asokohe ishte ende student në Universitetin Brunei Darussalam.
Në Brunei ditë pushimi ka qenë dita e xhuma dhe dita e diel, prandaj, vendosëm që me makinen tonë shumë të vjetër, Daihatsu Charade, me targa BJ 4722, të udhëtojmë drejt Malajzisë, ku vizituam Limbang-un, vendet Sabah dhe Sarawak, Kampusin si dhe xhaminë e Universitetit.
Me që kësaj radhe nuk arritëm dot që të vizitojmë kodrën e njohur te këtij vendi, e njohur me emrin “Kota Kinabalu“, vendosëm që të vizitojmë Universitetin e Sabah’s, ku një natë bëmë gjumë në konviktin e djemve. Aty studentët vendas na mirëpritën dhe na nderuan shumë. Do doja që këtu të shkruaj një detaj shumë të rëndësishëm; Unë dhe Remzi Nura pasi e falëm namazin në xhami, vendosëm që të vizitojmë kampusin e Universitetit, mirëpo aty kishte qenë një program festiv me studentët e universitetit dhe për të marrë pjesë, padyshim se kërkohej ftesa. Pasi hymë brenda, ata hetuan se vetura është me targa të Bruneit dhe studentët qenkan gjithashtu ndërkombëtar, prandaj, nuk na pyetën në detaje, por na mundësuan që ta parkojmë makinën, hymë brenda, prezantuam në të gjitha shfaqjet që kishin përgatitur studentët e huaj, e me theks të veçant, ata indian, të cilët me kokrra të orizit kishin qëndisur një shpend të madh.
Kanë kaluar 18 vite që prej kur është bërë ky incizim amator nga Remzi Nura dhe falë teknologjisë është ruajtur deri me sot. Është me të vërtetë kënaqësi kur njeriu shiqon ndonjë vepër te mirë që ka bërë gjatë jetës se tij, e sidomos ky inçizim E falënderoj Allahun xh.sh. që na bëri pjestarë te fesë Islame.
O Allah na mundëso që jetën tonë ta kalojmë duke shërbyer në rrugën tënde!