Ky reportazh është përgatitur nga Ramadan Shkodra në nëntor të vitit 2012. Nga 16 – 20 nëntor 2012, një delegacion i Kryesisë së BIK-së (Ekrem Simnica, përgjegjës i Departamentit për Diasporë, Ejup Ramadani, shef i kabinet të Myftiut dhe Ramadan Shkodra, në cilësinë e gazetarit, qëndruan për vizitë në Zvicër, për të marrë pjesë në dy manifestime që organizoheshin me rastin e shënimit të 100-vjetorit të pavarësisë së Shqipërisë. Manifestimin e parë kushtuar këtij jubileu në kryeqendrën zvicerane e kishin organizuar tri ambasadat: Ambasada e Shqipërisë, e Kosovës dhe ajo Maqedonisë. Për të shënuar këtë jubile, gjithashtu një manifestim dinjitoz kishte organizuar edhe Unioni i Imamëve Shqiptarë në Zvicër.